Булган сумын Иргэдийн Төлөөлөгчдийн Хурлын ивээл дор Ерөнхий боловсролын сургуулийн 6-9 дүгээр ангийн сурагчдийн дунд DINO-2019 ангил хэлний олимпиадыг зохион байгуулав.

Булган суманд анх удаагаа зохион байгуулагдсан Хөх сувд - 2019 мөсний баяр амжилттай болж өнгөрлөө. Мөсний баяр нь байгаль дэлхий, Үндэсний өв соёлоороо бахархах, Өвлийн аялал жуулчлал, нийтийн биеийн тамир спортыг хөгжүүлэх, "ЦЭВЭР АГААР ЭРҮҮЛ БИЕ" уриан дор зохион байгуулагдахад оршино. Мөсний баяраар: 1. Сумын аварга шалгаруулах "Тэшүүр" эрэгтэй, эмэгтэй 2. Сумын аварга шалгаруулах "Уран жолоо" 3. Олс таталт /Багийн бүх гишүүд оролцоно/ 4. Сумо бөх эрэгтэй, эмэгтэй 5. Бүх нийтийн гүйлт /Багийн бүх гишүүд оролцоно/ 6. Мөсний шагай /Багийн бүх гишүүд оролцоно/ 7. Хөгжөөнт буухиа /Багийн бүх гишүүд оролцоно/ зэрэг тэмцээн, уралдаанууд зохион байгуулагдлаа. Багийн нийлбэр дүнг бага онооны системээр дүгнэж эхний 3 байр эзлүүллээ.

МОНГОЛ УЛСЫН ИХ ХУРЛЫН ДАРГЫН ИВЭЭЛ ДОР ЗОХИОН БАЙГУУЛАХ ШИНЭ ҮНДСЭН ХУУЛЬ БАТЛАГДСАНЫ 27 ЖИЛИЙН ОЙД ЗОРИУЛСАН ШАТАР СОНИРХОГЧДЫН СУМЫН АВАРГА ШАЛГАРУУЛАХ ТЭМЦЭЭН БОЛЛОО

ОНТөсвийн 25.6 сая төгрөгийн өртөгөөр сумын хогийн цэгийн хогийг салхинаас хамгаалж хашаажуулах, даланг сэргээх, нягтруулах, хогийг түрэх ажил хийгдлээ. Тус ажлыг гүйцэтгэхэд дэмжиж тусалсан аймгийн БОАЖГазар, гүйцэтгэгч Ихэр сайхан уул ХХК-нд талархал илэрхийлье.

Сургуулийн сурагчдын дотуур байр нь анх удаа бүрэн хэмжээний их засварт орж улсын төсвийн 200 сая төгрөгийн хөрөнгөөр засварлагдлаа. Их засварын үр дүнд байрны хүүхдүүд маань сумын халуун усанд очиж оочирлохгүй шөнийн харанхуйд цасан шуурганаар гарч бие засах газарлуу гүйхгүй болж цэвэрт бохирт бүрэн холбогдож дотроо бүх асуудлыг төсөвт суулгасны дагуу бүрэн шийдвэрлэлээ.

2018 оны 6 дугаар сарын 20-ны өдөр ИТХ-ын тэргүүлэгчид хуралдаж 5 асуудлыг хэлэлцэн шийдвэрллээ. Үүнд: Сумын ИТХ-ын ээлжит хуралдаан зарлах тухай Хүүхдийн төлөө зөвлөлийг шинэчлэн байгуулах тухай Хүүхэд хамгааллын хамтарсан баг байгуулах тухай төрийн дээд шагналд тодорхойлох тухай Сумын баяр наадмыг тэмдэглэн өнгөрүүлэх тухай

"Нутгийн удирдлагад Эмэгтэйчүүдийн манлайлал" аймаг, сумдын ИТХ-ын эмэгтэй төлөөлөгчид, ИТХ-ын Тэргүүлэгчдийн нарийн бичгийн дарга нарын сургалт зохион байгуулагдлаа. Төлөөлөгчийнхөө эрх үүргийг ухамсартайгаар хэрэгжүүлж байгаа манлайлагч эмэгтэй төлөөлөгч нартаа баярласнаа илэрхийлээд орон нутгийн төлөө гаргасан шийдвэр бүхэн мэргэн байх болтугай гэж ерөөе. Сургалтаас олсон мэдлэг бүхнээ сум орны хөрсөн дээр буулгаж улам эрч хүчтэй ажиллана гэдэгт итгэж байна Та бүхэнд ажлын амжилт сайн сайхан бүхнийг хүсьe.

Хавцгайт баг дээр багийн малчдын саналаар байгалийн цэвэр жимсний төгөл байгуулах ажил эхэллээ. Сумын ОНХөгжлийн сангийн хөрөнгөөр өөрсдийн хэрэглээндээ зориулан талбай байгуулан багийн хурлаар цугалсан малчдын оролцоотойгоор эхний ээлжинд чацарганы суулгацыг суулгалаа. Цаашид жимсний ойн төгөл байгуулах зэргээр өргөжүүлэх ажлууд шат дараатайгаар хийгдэх болно.

"Эмийг орлох хөдөлгөөн байдаг - хөдөлгөөнийг орлох эм байдаггүй" уриан дор өнөөдөр анхны гүйлт, гимнастик боллоо.

Аймгийн Нутгийн зөвлөлөө шинээр байгуулж, энэ жилийн нэгдсэн золголтоо хийж нутгийн түмэн олон минь ерөөл билэгдэлтэй уулзлаа.

БИНХ-ын дарга нар 2018 оны ажлын төлөвлөгөөгөө батлуулав.

Иргэдийн Төлөөлөгчдийн хурлын 2017 оны баримт бичигүүдийг архивлаж дууслаа. Мөн 2018 оны ажлын бүртгэлийг дэвтэрүүдийг гаргаж өнөөдөр ажил амжилттай байна.

Хөгжлийн бодлого төлөвлөлтийн тухай хуулийн эмхтгэл хийж 21 төлөөлөгчдөд хүргүүлэв.